.
المقادير١:
١كوب دقيق
١/٣كوب كاكاو بودرة
١/٣ ١ كوب سكر ناعم
١/٢ ١ كوب جوز هند
مقادير ٢:
٢ قالب زبدة (١٠٠غم x ٢) مذوبه على النار او بالمكرويف ونتركها تبرد
بيضتين مخفوقتين بالشوكة مع ١/٢ ملعقة صغيرة فانيليا
الطريقة
أول شي:
١/نحمي الفرن على حرارة ٣٥٠ف تساوي ١٨٠س
تعادل ٤غاز
٢/ندهن صينية مستطيلة مقاس ١١x7 إنش تقريبا بزبدة
أو زيت ونغطيه بورق الزبدة عشان يسهل علينا نطلع القالب بعدين
الخطوة الثانية:
١/ننخل الكاكاو البودرة والدقيق
ونضيف عليهم السكر وجوز الهند ونقلبهم يختلطون
٢/ نضيف عليهم مقادير ٢
ونقلبهم بالملعقة الخشب مايحتاج عجانة ولا خلاط
وراح يتكون عندنا عجينة لينة غير سائلة
الخطوة الثالثة:
١/نوزع العجينة بالقالب ونواسي السطح
باليد او ملعقة عشان يتساوى
٢/ ندخلها الفرن تنخبز ٢٠دقيقة تقريبا
او تختبرينها بعود الاسنان اذا طلع نظيف
من وسط القالب معناها خلصت
٣/ نطلعها من الفرن ونتركها تبرد بالصينية
الخطوة الرابعة:
١/خلال ماهي تبرد
نجهز الفروستنق للوجه وهو عبارة عن:
١/٤ ١ كوب سكر بودرة
ملعقتين طعام كاكاو بودرة
١/٢ قالب زبدة (٥٠غم) ذايبة او لينة بحرارة الغرفة
١ ملعقة طعام ماء حار
ننخل السكر والكاكاو ونخلطهم بالخلاط مع الزبدة والماء لحد مايصير خليط ناعم متماسك .
٢/ وبواسطة سكين مسطحة نفرش الفروستنق على الحلى ونواسيه..نغطيها بجوز الهند ونقطعها وبالعافية. ❤️
.
ملاحظة: بما إن النوتيلا له جمهور وعشاق
ممكن نستبدل الفروستنق بالنوتيلا مع انهم مختلفين عن بعض طعم وخواص بس حلو
ليست هناك تعليقات:
إرسال تعليق